ابوذیّات حسب ترتیب الحروف بالکلمات
الالف
احبّک و احب من حبّک ونحباک
انیس او بالگلب رابی و نحباک
الم گلبی لمس جلدک ونحباک
ابخدّک لو ابحلگک جسهه الیّه
...
الباء
بری او برّینی من حقدک ولومک
بعد ما بیّه اجرعنّک و لومک
بگیت اوحید لا بیّک ولومک
بلاوی اتصیر اذن لو تمر بیّه
...
التاء
تحن و اعیونی دم صبّن و ذابن
تهشّم روحی بفراگک و ذابن
تلفنی شیبی البوجهی و ذابن
تخل تشتل تهایم تذم بیه
...
الثاء
ثجیل الحمل ذبّیته علی مال
ثری او بهمومک اتحمّل علی مال
ثمین ادری اوشلت ضیمک علی مال
ثبت طبعک علی حلمک اذیّه
...
الجیم
جمر حبّک چوانی او سبت والفیت
جبرنی او گمت الحّن شعر والفیت
جبر لا ما اگول . ارهمت والفیت
جرم ذاتک وفی او ذوقک هنیّه
...
الحاء
حلالک بالبحر من عبر برجاک
حلو و اینور وسط السماء برجاک
حوارک ما یخل بالعگل برجاک
حکیم او حکمک ایدگ رمحه بیّه
...
حرف الخاء
خبیر اتسمّی نفسک دوم بالسام
خیارک تخفی کلمن ظهر بالسام
خطر حبّک تشافی اجروح بالسام
ختلت ابنعجه گلبک ذئیب الیّه
...
حرف الدال
دلالک خربص ابنظمک والیعار
دخل دهور ثنایه الحب والیعار
دبج طبع الزهد ماله والیعار
دمار النّاس اذا عینه جویّه
...
حرف الذال
ذبت بارماد کحل العین وانجر
ذبایب بالرموش انسحب و انجر
ذنب گلبی یحب ینتحب وانجر
ذبل باخر نفس و ادّه التحیّه
...
حرف الراء
رطب طبع الهتک ماله و رد مات
رهن نفسه او شبع ذلّه و رد مات
ربیع او هجر بستانه ورد مات
رباه میفید اذا طاح اببلیّه
...
حرف الزای
زبد صیت الهده اعیاله و لمهم
زهبر لو یشم عیله ولمهم
زبیب او یشفی مجرحهم ولمهم
زبرجد خاتم الخوّه امن ابیّه
...
حرف السین
سلام اللّه علی الغیّاب بالهاب
سروا و الگلب داوی ابنار بالهاب
سباهم ذاک اخو الدفّان بالهاب
سبح بذنوبهم و ایغث بریّه
...
حرف الشین
شجاک اشغیّر اطباعک علی مان
شلت حملی او حمل هجرک علی مان
شمع داوی ضوا الدربک علی مان
شرار اعیونک ایساوی المنیّه
...
حرف الصاد
صریم اعضاک سد الدرب و انهه
صبرت او روحی ابد ما وگف ونهه
صبتنی ابرمحک ابحوبتک ونهه
صگور الشر صفوا کلهم علیّه
...
حرف الضاد
ضربنی الچنت اله ساعد ولادین
ضبی او لا یاجد الحکمه و لادین
ضمیره ما وگف بالحق ولادین
ضرر یمطر علی البیهم حمیّه
...
حرف الطاء
طبر یالماشلت حملک و اگص بیک
طریر الطیر ما ضاگک واگص بیک
طفرت اباول انفاسک واگص بیک
طومر بالشبک منجل بدیّه
...
حرف الظاء
ظلم حقدک علینه و ابتلینه
ظهر باول حچینه وابتلینه
ظفر جورک مناقب وابتلینه
ظلال او طاف حگ ابلا رعیّه
...
حرف العین
عمر عدّیته الف لوعه بالفراگ
عمیت او حطّمت روحی بالفراگ
عبرت او سبت بحلامی بالفراگ
عمانی الدهر بسمومه الخفّیه
...
حرف الغین
غبت یالچنت سیف الضرب وجر
غریب اصبحت بس ما تهت وجر
غادر ما ترحمک هلک وجر
غشیم اتدمّرت بید الخلّیه
...
حرف الفاء
فلک لا مو فلک مفلک فلک بیک
فلاک الشوم یمفلّک فلک بیک
فل لو ما تفل فاعل فلک بیک
فهل لک فاده فل فیلک فدیّه
...
حرف القاف
قریت اکتاب قاموسک وغربیک
قریب اصبحت یم گلبی وغربیک
قهر حبّک ابشم عطرک و غربیک
قمر واتشع لیالی الظلمه الیّه
...
حرف الکاف
کبر حزن الگلب وانفتل وانفر
کسر ظهری الالم من وگع وانفر
کریه العاف بیته او طفر وانفر
کناوه ایضل یعوف اهله ابردیّه
...
حرف الّام
لفانی الولف ضامی ونسبیته
لهانی العمر منسر ونسبیته
لبیب اشلون اعوفه ونسبیته
لان کل لحظه احس ایمر علیّه
...
حرف المیم
ملوم الغرگ گلبه ابمحب یومای
مریض بشاطی صاح ابعتب یومای
منایا الموت گطع النفس یومای
مهلنی الحب ثوانی او ینهی بیّه
...
حرف النون
نهیتک لا تمر بیّه وامر بیک
نکالک دمّر اسلافی و امر بیک
نسیته الیهدم اببیتک و امر بیک
نهب سلّب هتک دچ بالثنیّه
...
حرف الواو
وعیت ابحبّک ایدث جمر ویهین
ولا اباری الیغش بالعشگ ویهین
وعد منّی الگلب بیت الک ویهین
ولا اعوفک وحید ابلا تچیّه
...
حرف الهاء
هلال او هل علی ولفی وهل بیه
همش گلبی ابعطر ذوقه وهل بیه
هلک روحی عذب طبعه وهل بیه
هواه الوفاء لو ما یوفی بیّه
...
حرف الیاء
یلایم لا تلوم الگلب شلهاک
یداعی امفتّگات اجروح شلهاک
یهیم الضاگ طعم الشوگ شلهاک
یباری اضعون تچویه اباذیّه
...
جاسم ثعلبی (الحسّانی) 26/10/1399
:: برچسب‌ها:
ابوذیّات حسب ترتیب الحروف بالکلمات ,
:: بازدید از این مطلب : 1821
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
